កសិកម្ម: ការចិញ្ចឹម

Showing posts with label ការចិញ្ចឹម. Show all posts

វិធីផ្សំចំណីត្រីធម្មជាតិចំណាយអស់តិច និងធ្វើឲ្យត្រីឆាប់ធំធាត់ ជួយចែករំលែកបន្តដល់កសិករយើងផង

☞☞រកបានហើយ បងប្អូនដែលចង់ចេះធ្វើចំណីត្រី
☞ វិធីផ្សំចំណីត្រីធម្មជាតិចំណាយអស់តិច និងធ្វើឲ្យត្រីឆាប់ធំធាត់
ជួយចែករំលែកបន្តដល់កសិករយើងផង
- អត្ថបទដោយ៖ អ៊ាង សុផល្លែត
Facebook.com/SOPHALLETH
* ធាតុផ្សំមាន៖
១ កន្ទក់២បាវជី
២ កាកដូង១បាវជី
៣ សាច់ត្រីម៉ដ្ឋ៦គីឡូក្រាម
៤ សណ្តែកសៀងកិន ៦គីឡូក្រាម
៥ អតិសុខុមប្រាណ EM ១លីត្រ
៦ ស្ករងូ ១គីឡូក្រាម
៧ ប្រេងសណ្តែក១-២លីត្រ។
* វិធីធ្វើ៖
- លាយធាតុផ្សំពី១-៤ និងប្រេងសណ្តែកចូលគ្នាឲ្យសព្វ។
- លាយអតិសុខុមប្រាណ EM ១លីត្រ និងស្ករងូ ១គីឡូក្រាម ជាមួយទឹក២០លីត្រ ទុករយៈពេល១២ម៉ោង។
- បន្ទាប់មកយកល្បាយទាំងអស់ លាយជាមួយទឹក២០លីត្រខាងលើកូរឲ្យល្បាយសព្វ រួចធ្វើជាគ្រាប់តូចៗដើម្បីដាក់ជាចំណីត្រី។
- ហាលវាឲ្យស្ងួតរយៈពេល២ថ្ងៃយើងអាចយកមកប្រើបានហើយ យើងអាចរក្សាវាទុកប្រើបានរយៈពេល២ខែ
☞☞☞ សូមរក្សារនូវទម្រង់អត្ថបទដើមទាំងស្រុង នូវរាល់ប្រភពដែលយកអត្ថបទរបស់ខ្ញុំទៅចែកចាយបន្ត។

បច្ចេកទេសចិញ្ចឹមបង្កងធម្មជាតិក្នុងកញ្ច្រែង

Admin 11:37 PM ការចិញ្ចឹម , ចិញ្ចឹមបង្កង

#បច្ចេកទេសចិញ្ចឹមបង្កងធម្មជាតិក្នុងកញ្ច្រែង
ងាយស្រួលចិញ្ចឹមជាលក្ខណៈគ្រួសារ និងលក់បានថ្លៃ
សូមជួយចែករំលែកដល់បងប្អូនកសិករយើងផង!

*ការរៀបចំស្រះចិញ្ចឹម៖
- ជីកស្រះដែលមានទទឹង ១,៥ម៉ែត្រ ជម្រៅ១,៥ម៉ែត្រ បណ្តោយប្រមាណ ១៥ ម៉ែត្រ ឬតាមការចង់បាន (បើមានស្រះចាស់ស្រាប់កាន់តែប្រសើរព្រោះយើងបានទឹកថ្លាល្អសម្រាប់ចិញ្ចឹម) យកល្អគួររៀបចំស្រះទុក១ឆ្នាំមុនការចិញ្ចឹមព្រោះដើម្បីទទួលបានទឹកថ្លាល្អសម្រាប់ចិញ្ចឹម
- បើមានលទ្ធភាពជាងនេះយើងអាចចាក់ធ្វើជាអាង តង់ប្លាស្ទិចធ្វើជាស្រះ ឬលូសម្រាប់ចិញ្ចឹមក៏បាន។
* ការរៀបចំចិញ្ចឹម៖
- រៀបចំបង្គោលឈើសម្រាប់ចងព្យួរកញ្ច្រែងដើមម្បីងាយស្រួល
ក្នុងការលើកមើល និងដាក់ចំណីវា
- វិធីធ្វើកញ្ច្រែងគឺយើងអាចយកកញ្ច្រែង២ ដែលមានអង្កត់ផ្ចិតប្រមាណ៣តឹក និងកម្ពស់ប្រមាណ៣តឹកមកមកចងភ្ជាប់មាត់របស់វាជាប់គ្នា ផ្នែកបាតត្រូវដាក់ក្រាលសំណាញ់ក្រលាល្អិត និងផ្នែកខាងលើត្រូវចោះរន្ធសម្រាប់ដាក់ចំណី
- ដាក់ចងដបទឹកប្លាស្ទិច២នៅផ្នែកសាងខាង ត្រឹមពាក់កណ្តាលកញ្ច្រែងដើម្បីឲ្យវាអាចអណ្តែតបាន
- ដាក់ទឹកបញ្ចូលក្នុងស្រះនោះ
- នៅពេលបញ្ចូលទឹករួចយកបង្គោលឈើមកចងភ្ជាប់ជាមួយកញ្ច្រែង រួចដាក់ចូលក្នុងស្រះដោយទុកគម្លាតពីគ្នាប្រមាណ៥ទៅ៧តឹក និងមិនត្រូវឲ្យលិចផុតទៅក្នុងទឹកឡើយ
- បន្ទាប់មកដាក់កូនបង្កងទឹកសាបចំនួន១ចូលក្នុងកញ្ច្រែងចិញ្ចឹម។
- ត្រូវរៀបចំប្រព័ន្ធឲ្យទឹកវិលប្រមាណ១៥-២០នាទី ក្នុងមួយថ្ងៃ និងត្រូវផ្លាស់ប្តូរទឹកចេញនៅពេលឃើញថាវាមិនសូវល្អដោយបូមចេញពាក់កណ្តាលហើយដាក់ទឹកល្អចូលឲ្យស្មើរដើមវិញ។
* ការផ្តល់ចំណី៖
- យើងអាចឲ្យចំណីវា ២ដងក្នុងមួយថ្ងៃ ព្រឹក និងល្ងាច
- ប្រភេទចំណីដែលអាចឲ្យវាស៊ីបានមានដូចជា ជន្លេនក្រហម សាច់ដូងខ្ចីល្មម កូនត្រីតូចៗផ្សេងៗជាពិសេសត្រីទីឡាព្យា និងអាចឲ្យវាស៊ីបន្លែខ្លះដូចជាស្ពៃក្តោបជាដើម។
- យើងអាចផលិតចំណី១បែបទៀតគឺ យកកន្ទក់ លាយជាមួយត្រីដែលគេកិនរួច យកល្បាយស្មើគ្នា រួចយកលាយជាមួយប្រេងរុក្ខជាតិ រួចដាក់ក្នុងកញ្ច្រែងឲ្យវាស៊ី ដែលអាចជួយឲ្យវាឆាប់ធំធាត់ និងអាចទិញចំណីទីផ្សារខ្លះ។
- អាចបូមទឹកផ្លាស់ប្តូររាល់៣អាទិត្យម្តងជាការប្រសើរដើម្បី
ឲ្យបង្កងមានសុខភាពល្អ ដោយបូមចេញពាក់កណ្តាលហើយ
ដាក់ទឹកល្អចូលឲ្យស្មើរដើមវិញ។
- រយៈពេលប្រមាណ ៧ខែ យើងអាចប្រមូលផលវាបាន។

ផ្ដល់សិទ្ធដល់៖ អ៊ាង សុផល្លែត

វិធីផ្សំចំណីធ្វើឲ្យមាន់ឆាប់ធំធាត់ ចំណាយអស់តិចប្រមាណ១៥០០រៀល/គក្រ

Admin 11:36 PM កសិកម្ម , ការចិញ្ចឹម , មាន់

» វិធីផ្សំចំណីធ្វើឲ្យមាន់ឆាប់ធំធាត់ ចំណាយអស់តិចប្រមាណ១៥០០រៀល/គក្រ

* វត្ថុធាតុដើមរកបានក្នុងស្រុក៖
- កន្ទក់២០%
- ពោត២០%
- ចុងអង្ករ២០%
- ដំឡូងមី២០%
- សណ្តែកសៀង១៥%
- សំបកខ្យង ខ្ចៅ ៥%។
* វិធីធ្វើ៖
- កិនបំបែកធាតុផ្សំ រួចលាយបញ្ចូលគ្នា និងត្រូវលាយប្រេងសណ្តែកខ្លះផង រួចលាយទឹកចូលចំណីនោះល្មមមាន់អាចចឹកស៊ីកើត
- ដាក់ចំណីឲ្យវាស៊ី២ដងក្នុង១ថ្ងៃ
- អាចលាយបន្លែមួយចំនួនដូចេជាផ្ទី ត្រកូនជាដើម។

អត្ថបទដោយ៖ អ៊ាង សុផល្លែត

រកឃើញហើយ វិធីផ្សំថ្នាំពីធម្មជាតិការពារជំងឺមាន់បានគ្រប់រដូវ ការពារប្រសើជាងការបណ្តាលឲ្យមាន់ឈឺងាប់ នាំឲ្យយើងខាតបង់ សូមជួយ Share ដល់ពុកម៉ែបងប្អូនកសិករយើងផង

Admin 11:35 PM ការចិញ្ចឹម , ចិញ្ចឹមម៉ាន់

#រកឃើញហើយ វិធីផ្សំថ្នាំពីធម្មជាតិការពារជំងឺមាន់បានគ្រប់រដូវ
ការពារប្រសើជាងការបណ្តាលឲ្យមាន់ឈឺងាប់ នាំឲ្យយើងខាតបង់
សូមជួយ Share ដល់ពុកម៉ែបងប្អូនកសិករយើងផង!

» សម្រាប់ប្រើនៅរដូវវស្សាដែលមានអាកាសធាតុត្រជាក់ និងភ្លៀងញឹកញាប់

* សមាសធាតុផ្សំ៖
- ខ្ទឹមស
- ខ្ញី
- ស្ករត្នោត។

* វិធីធ្វើ៖
- ត្រូវយកខ្ទឹមស១គីឡូ ខ្ញី១គីឡូ ស្ករត្នោតចំនួនកន្លះគីឡូ
- បុកខ្ញីជាមួយខ្ទឹមសឲ្យហ្មត់ហើយ យើងយកមកច្របល់ជាមួយស្ករ ហើយផ្អាប់ទុក ១៥ថ្ងៃ ចាំយើងអាចជាត់យកទឹកវាមកលាយជាមួយទឹក ឬចំណី ដាក់ឲ្យមាន់ស៊ីការពារពេលខែត្រជាក់។

* វិធីលាយ៖
- លាយទឹកថ្នាំនេះ ១ស្លាបព្រាកាហ្វេ ជាមួយបរិមាណទឹកដែលអាចដាក់ផ្សើមជាមួយចំណីដែលយើងលាយរួច១គីឡូ ស្មានឲ្យតែល្មម សើមៗបានហើយ។
- ចំពោះការលាយជាមួយទឹកឲ្យវាផឹកវិញគឺដាក់កំរិតទឹក១លីត្រ ទឹកថ្នាំ៥មីលីលីត្រ។

» សម្រាប់ប្រើនៅរដូវប្រាំងដែលមានអាកាសធាតុក្តៅ

- យកសំបកគ បណ្តូលពេជ្រ និងគល់ស្លឹកគ្រៃយកមកត្រាំក្នុងទឹក។
- ទឹកត្រូវដាក់ចំនួន ២លីត្រ ដំសំបកគស្ទោះប៉ុន៣ធ្នាប់ ប្រវែង១ចង្អុលដៃ ដំគល់ស្លឹកគ្រៃមួយចំហៀងគល់ បណ្តូលពេជ្រ មួយចំណិតស្តើងតូច យកទាំង៣មុខនេះដាក់ត្រាំនៅក្នុងទឹកឲ្យមាន់ផឹកក្នុងរយៈពេលប្រហែល១ថ្ងៃ
- បើកាលណាយើងអស់ទឹក យើងអាចថែមទឹកបានទៀត ដោយថ្នាំយើងមិនចាំបាច់ថែមទេ ព្រោះវាចេញនៅក្នុងនោះ។
- ហាន់ស្លឹកស្តៅខ្ចីៗលាយជាមួយចំណីមាន់ចំនួន៥% និងដាក់លាយគ្រាប់កន្ធំថេតហាន់ល្អិតៗលាយឲ្យមាន់ស៊ីរាល់៣អាទិត្យម្តង។
- ការបន្ថយជំងឺមាន់ក្នុងពេលមេឃ ឬធាតុអាកាសក្តៅខ្លាំងនោះ គឺគេអាចរកទីធ្លាធំទូលាយល្មម ដាំដើមឈើមួយចំនួនជាជម្រក និងចាក់ដីខ្សាច់ខ្លះសម្រាប់វាដេក។

អត្ថបទដោយ៖ អ៊ាង សុផល្លែត

វិធីផ្សំចំណីត្រីចំណាយអស់តិច និងធ្វើឲ្យត្រីឆាប់ធំធាត់

Admin 8:46 PM ការចិញ្ចឹម , ចំណីត្រី , វីធីសាស្រ្ត

» វិធីផ្សំចំណីត្រីចំណាយអស់តិច និងធ្វើឲ្យត្រីឆាប់ធំធាត់
* ធាតុផ្សំមាន៖
១ កន្ទក់២បាវជី
២ កាកដូង១បាវជី
៣ សាច់ត្រីម៉ដ្ឋ៦គីឡូក្រាម
៤ សណ្តែកសៀងកិន ៦គីឡូក្រាម
៥ អតិសុខុមប្រាណ EM ១លីត្រ
៦ ស្ករងូ ១គីឡូក្រាម
៧ ប្រេងសណ្តែក១-២លីត្រ។
* វិធីធ្វើ៖
- លាយធាតុផ្សំពី១-៤ និងប្រេងសណ្តែកចូលគ្នាឲ្យសព្វ។
- លាយអតិសុខុមប្រាណ EM ១លីត្រ និងស្ករងូ ១គីឡូក្រាម ជាមួយទឹក២០លីត្រ ទុករយៈពេល១២ម៉ោង។
- បន្ទាប់មកយកល្បាយទាំងអស់ លាយជាមួយទឹក២០លីត្រខាងលើកូរឲ្យល្បាយសព្វ រួចធ្វើជាគ្រាប់តូចៗដើម្បីដាក់ជាចំណីត្រី។
- ហាលវាឲ្យស្ងួតរយៈពេល២ថ្ងៃយើងអាចយកមកប្រើបានហើយ យើងអាចរក្សាវាទុកប្រើបានរយៈពេល២ខែ
អត្ថបទដោយ៖ អ៊ាង សុផល្លែត=====
======

=====More:

វិធីធ្វើស្រះប្លាស្ទិចសម្រាប់ចិញ្ចឹមត្រីបានគ្រប់រដូវ

=====

វិធីធ្វើចំណីធម្មជាតិដែលជួយឲ្យកូនមាន់ឆាប់ធំធាត់

Admin 8:43 PM ការចិញ្ចឹម , កូនមាន់ឆាប់ធំ , វីធីសាស្រ្ត

វិធីធ្វើចំណីធម្មជាតិដែលជួយឲ្យកូនមាន់ឆាប់ធំធាត់
* ធាតុផ្សំ៖
- ផ្ទី
- បាយ
- ត្រួយ ឬផ្កាស្តៅ
- ចំណីកូនមាន់
* វិធីធ្វើ៖
- ចិញ្ច្រាំផ្ទី និងត្រួយស្តៅឲ្យម៉ដ្ឋ
- លាយផ្ទី៣៥% បាយ៣៥% ចំណីកូនមាន់២០% និងស្តៅ១០% រួចលាយទឹកបន្តិចផង
* ការប្រើប្រាស់៖
- អាចប្រើចំណីនេះសម្រាប់កូនមាន់ដែលមានអាយុចាប់ពី១សប្តាហ៍ឡើង
- ដាក់ចំណីនេះអោយមាន់ស៊ី ២ ឬ ៣ ពេលក្នុងមួយថ្ងៃ ហើយការលាយចំណីម្តងអាចប្រើត្រឹមមួយថ្ងៃ។
- សម្រាប់ខែភ្លៀង ឬខែត្រជាក់យើងត្រូវថែមស្លឹកខ្ទឹមបន្តិចដើម្បីជួយកំដៅដល់កូនមាន់។
អត្ថបទដោយ៖ អ៊ាង សុផល្លែត====
==
More:វិធីធ្វើទូភ្ញាស់ពងមាន់ពាក់កណ្តាលស្វ័យប្រវត្តដោយប្រើឡាំងស្នោរ ==
More: វិធីផ្សំចំណីមាន់ពីធម្មជាតិ សម្រាប់ឲ្យមាន់មានស៊ុតច្រើន និងគុណភាពល្អ===