វិធីបណ្តុះពូជក្រូចឆ្មារដោយប្រើមែក‬

#‎វិធីបណ្តុះពូជក្រូចឆ្មារដោយប្រើមែក‬

* សម្ភារៈត្រូវមាន៖
- មែកពូជក្រូចឆ្មារ
- កែវជ័រសម្រាប់ដាក់បណ្តុះ
- ដីដែលមានជីវជាតិដែលសើមល្មម
- កូនកាំបិត។
* វិធីធ្វើ៖
- កាត់មែកពូជក្រូចឆ្មារ និងត្រូវកាត់បន្លាវាចេញផង
- យកដីដែលមានជីវជាតិ មកផ្សើមទឹកឲ្យល្មមរួចដាក់ក្នុងកែវសង្កត់ឲ្យណែន
- បន្ទាប់មក យកចុងកាំបិត ឬចង្កឹះ ចាក់ចូលទៅក្នុងដីសើមនោះអោយកើតជារន្ធប្រមាណ២ថ្នាំងដៃ
- ដោតមែកក្រូចឆ្មារចូល រួចសង្កត់ជុំវិញឲ្យណែន ហើយយកថង់ច្រកមកស្រោបពីលើ រួចយកកៅស៊ូចងផ្អោបមាត់ថង់ជាមួយកែវជ័រឲ្យជិត តែកុំរិតខ្លាំងពេកការពារកុំឲ្យបែកដី
- យកទៅដាក់ក្នុងម្លប់ និងមានពន្លឺថ្ងៃខ្លះ តែមិនឲ្យត្រូវកំដៅថ្ងៃនោះទេ ប្រហែល១៥ទៅ២០ថ្ងៃ វានិងចេញឬសហើយ ដោយកំឡុងពេលនេះយើងពុំត្រូវស្រោចទឹកនោះទេ
- ពេលយើងឃើញថាវាមានចេញឬសហើយ អាចស្រាយថង់ចេញទុកប្រមាណមួយអាទិត្យ ហើយយើងអាចយកវាទៅបណ្តុះក្នុងថង់ធំបាន។
ប្រភព អ៊ាង សុផល្លែត